| 央视网|中国网络电视台|网站地图 |
| 客服设为首页 |
上周，一条中华白海豚在罗村王芝截洪沟被发现，工作人员对它进行了积极营救。记者龙成通摄
粤讲越有料
主持人：邓柱峰
上个礼拜，佛山出咗一单轰动全国嘅趣闻，一条可爱嘅中华白海豚荡失路，从珠江口一路游咗百几公里，最后喺南海罗村一条河涌度困住，几乎无命。好彩，经过专家半日时间嘅大营救，终于将呢条两米长、300几斤重嘅“大海鱼”装上车，运翻去珠海嘅保护区。
专家话，原嚟呢条白海豚已经有30几岁，喺海豚里面算系高龄，差唔多系人类嘅70岁左右，而且分分钟系目前存活嘅中华白海豚之中，年纪最大嘅一条。因为年纪大，“导航系统”失灵，所以先无啦啦入咗淡水区域，如果救迟D，分分钟无命。
白海豚游嚟佛山已经唔系第一次，近几年都有好几单，不过之前游咗去里水，同九江果两条就无咁好彩，喺营救途中就无咗命。所以，呢次罗村白海豚大营救，堪称佛山近年最成功嘅一次。
话分两头，其实今次营救咁成功，都要多得当地嘅热心市民同地方政府嘅配合。因为一大早有人发现白海豚嘅时候，就即刻上报，最紧要系上报比珠江口保护区知。咁等于系帮白海豚报咗110。因为，呢种咁稀有嘅动物，一般市民真系唔知点救。当年喺里水果条就系因为出血过多而中途死亡，好可惜。
笔者唸，如果呢次迷途受伤嘅唔系海豚，而系一个人，大家嘅反应又会点呢？当然，事情唔可以有过多假设，但系大家可以通过呢次温情营救事件好好咁去感悟一下，当其他人有需要嘅时候，第一时间报个警，帮下手，分分钟就挽救咗一个宝贵嘅生命。
中国中央电视台 中国网络电视台 版权所有
违法和不良信息举报 京ICP证060535号 京网文【2014】0383-083号
网上传播视听节目许可证号 0102004 新出网证（京）字098号 中国互联网视听节目服务自律公约
意见反馈
顶
踩
收藏
MSN或QQ好友
贴到博客或论坛
转发邮件
