猎豹BB，如假包换的广州女生，曾在奢侈品职场打滚，更流连于柴米油盐的生活，会赚钱理财，更爱花钱购物。

　　悭家Lady

　　除非你非富则贵，出入坐头等，有专人服侍，否则，一旦涉及飞行时间超过两小时的旅途，旅行三宝绝对係坐经济舱嘅救命稻草……

　　好多人都中意旅游，我更係一个热衷者。大到公司海外公干，小到广州周边游，我都唔会错过放眼看世界嘅机会。如果你问我旅游装备乜係最紧要？我嘅答案一定係旅行三宝：眼罩、耳塞、U形枕。除非你非富则贵，出入坐头等，有专人服侍，否则，一旦涉及飞行时间超过两小时的旅途，旅行三宝绝对係坐经济舱嘅救命稻草；又除非你骨骼精奇，内功深厚，可以打坐入禅，否则旅行三宝绝对係你旅途中保存体力舒缓疲劳嘅必备良伴。

　　有人可能鄙视我腌尖声闷：呢D咁嘅旅行三宝求其超市10蚊8蚊就买到啦，使乜长篇大论？！咁你就错啦！以我一系列失败经验话你知，去超市买旅行三宝绝对係属于浪费金钱嘅行径。

　　废话少讲，睇下我点拣三宝啦！首先係眼罩，眼罩的用处就唔多讲啦，大到喺飞机睡觉，小到喺大巴恰眼瞓，旅途有个眼罩真係方便好多。市面上卖嘅眼罩有两种，简单D来讲一种係箍住你两只耳仔，一种係箍住你个头。试戴嗰时十来二十分钟边种都无问题，但时间长，箍住耳仔嘅橡筋就会使你耳背充血疼痛。所以我一定係拣环绕后脑式眼罩，箍头嗰种，仲要拣橡筋比较细小嘅款。另外最好拣抓绒质地，绒面和眼睛之间有缓冲，对眼部嘅伤害最少，瞓得再耐都唔怕眼疼，其他什么纯棉、丝质的都会因直接压在眼睛上，导致瞓耐咗只眼会唔舒服。

　　再来睇睇耳塞。但如果坐廉价航空，耳塞就一定必备。事因廉价航空经常有旅客大声喧哗、细路吵闹哭喊，令你头痛欲裂。耳塞一般分为头戴式同耳塞式，我哽係拣头戴式，耳塞式都仲係塞着耳仔唔舒服，而且漏音，实际起唔到隔音作用；头戴式嘅隔音效果就最好，而且唔会因长时间使用对内耳有伤害，当然，拣返抓绒材质的耳套就同眼罩一样原理，更加舒服。

　　到最重要的U形枕。净係识去超市买三宝时我掉过好多个U形枕，全部都因为漏气。后来喺宜家买过内胆基本唔漏气、外层係我中意嘅抓绒面料U形枕，本来以为可以瞓个安稳觉，但弊在佢设计嘅弧度唔舒服，可能係以欧洲人头型设计，枕背特别厚，唔适合亚洲人颈短头不大嘅头型。

　　直到喺香港机场终于揾到我最满意嘅U形枕——OSIM U SNOOZ按摩毛毛。理论上来讲佢唔只係一个U形枕，因为佢嘅设计就好似一条长嘅毛毛虫，渐进式中间宽向两边窄的记忆海绵内胆，完全可以根据自己嘅喜好调节，当然，作为一个U形枕的功能，佢好科学咁设计咗啪纽等毛毛虫可以固定喺你条颈；毛毛虫式嘅设计仲可以好方便咁绕肩、绕背脊或大腿等其他部位，你边度唔舒服就放佢垫住；话明係按摩毛毛，当然仲带有按摩功能啦！6种唔同嘅震动程式，成个旅途带住佢，唔只有觉好瞓，仲可以喺累嘅时候松弛舒缓下疼痛嘅部位，真係一举多得。虽然价格要三百大洋，但係打响个悭家算盘，都係呢种可以循环再用、唔使惊漏气嘅U形枕堪玩。旅行途中秒秒争，秒秒金，起码悭返周街揾沐足嘅精力同时间啦！所以BB话斋：拣啱三宝，旅行无烦恼！